Olislardan kechikib,
Olga kelar ichikib.
Tagida bor «Volga»si,
Yoʼq «pravo», maskasi.
Yangi mashinalarni,
Eski mashinalarni,
Qoldirar ortda «Volga»,
Rulda albatta Olga.
Oʼn yettida yoshlari,
Payvastadir qoshlari.
Xusnu-jamol boricha,
«Pravo» yoʼq xozircha.
Onam aytardi menga,
Kutib olgin Olgani.
Gulni berib qaytanga,
(Egallab ol «Volga»ni).
Uyga kelgan chogʼingda,
«Volga»ni qoʼy «garaj»ga.
Olьgani aldaginda,
(Oʼxshatasan «miraj»ga).
Olislardan xayallab,
«Volga» kelar bovillab.
Unda Olga lovillab,
«Volga»sida shovullab,
Uchib kelmoqda, ammo,
Yana «pravo» muammo!…
Yangi mashinalarni,
Eski mashinalarni,
Qoldirar ortda «Volga»,
Rulda biz bilgan Olga.
Endi oʼttizda yoshi,
Sal-pal toʼkilgan qoshi.
Qoshning oʼrtasi tugun,
«Pravo» yonda bugun.
«Volga» eskirdi — «brak»,
Guldastadan yoʼq darak!…