Bekatda turardi avtobus kutib,
Nuroniy kampir va ikki oʼspirin.
Birisi oʼzini «dono»day tutib,
Ikkinchisi oʼzin tutar kamtarin.
Oʼzini donoday tutgan oʼspirin,
Kamtarin yigitga uqtirardi gap.
Odobu-axloqning barcha «sirlarin»,
Tinimsiz soʼzlardi. toʼxtamasdi lab.
Bir zamon avtobus kelib toʼxtadi,
Xaligi «aqlli» chiqdi birinchi.
Аgar u aqlli boʼlganda edi,
Oldin chiqarmidi, oʼylab koʼringchi!
Ikkinchi oʼspirin qilmadi bunday,
Boyagi kampirni oʼtkazib avval,
Keyin avtobusga chiqdi shoshilmay,
Qay biri aqlli, mana boʼldi xal!…
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF
