Қўшни эшигидан ўтсам хар куни,
Бир кучук, акиллаб, чўчитар мени.
Бегона бўлсам хам, лекин қаранга,
Хеч қанча вақт ўтмай, ўрганди менга.
Балким у билгандир, ниятим холис,
Ёки бошқа сабаб. қўшнилик боис.
Нима бўлганда хам, уч-тўрт кун ўтиб,
Хар гал қайтганимда, турар кузатиб.
«Муроса» — дунёда қандай ажойиб,
Дунёдаги ишлар — лекин ғаройиб….
Хаттоки баъзида яқин кишилар,
Ўзаро зўр-баъзўр муроса қилар.
Ўткинчи дунёни абадий ўйлаб,
Юрарлар бир-бирин ғанимдай пойлаб…
…Қўшни эшигидан ўтсам хар куни,
Негадир, хеч нарса чўчитмас мени!…
Абдулла Пулатов
Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
«Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ