Lampochka yorqin nur sochardi,
Nuridan qorongʼu qochardi.
Tutundan qorayib gʼoyatda,
Bir chiroq turardi — bir chetda.
Lampochka mensimay der unga,
-«Teng kela olmaysan, sen menga.
Piligu — kerosin oʼtining,
Nuringdan koʼproqdir — tutuning!».
Chiroq der: -«Dilozor boʼlmagin,
Oʼzingni yuqori bilmagin.
Bobongman, sen esa — nabiram,
Dimogʼdor boʼlibsan, sen biram!».
Lekin u tugatmay soʼzini,
Lampochka qoraytib — yuzini,
«Chirs» etib, tolasi uzildi,
Oʼrniga boshqasin qoʼyildi!…
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF