Uchrashdilar nogaxon bugun,
Qoʼlda portfel, birida tugun.
Bir-biriga qarashdi zimdan,
Uyalganday xuddi bir kimdan.
Bir-biriga dardlarin soʼzlar,
Faqat koʼzlar, xa, faqat koʼzlar!…
Duch keldilar bugun bir bora,
Qoʼllarida esa — nabira,
Zimdan qarab bir-birlariga,
Va ketdilar manzillariga!…
Uchrashdilar bugun xam qarang,
Ikkovlari yurishar arang.
Qoʼllarda yoʼq, arzirli narsa,
Faqatgina — bittadan xassa!…
Qiziq ekan, taqdiri azal,
Yonma-yondir — xayot va ajal.
Uchrashdilar oxirgi dafʼa,
«Uchrashuv»da soʼnggi saxifa.
Biri jonsiz, biri sukutda,
Biri «saf»da. biri tobutda.
Jonsiz taʼna — ketdi qabrga,
Xotiralar — u bilan birga!…
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF
