Shou-biznes vakillarining hammasi ham mashhur bo‘lish uchun shaxsiy hayot va oilaviy munosabatlardan kechavermaydi. Ularning orasida yulduz bo‘lishni chetga surib, o‘zini oilasi va farzandlariga bag‘ishlaganlar ham yo‘q emas — deb bu haqda «Daryo» nashri xabar beradi.
Megan Markl
Foto: Woman’s Day
Shahzoda Garri bo‘lajak rafiqasini ilk bor “Fors-major” serialini tomosha qilganida ko‘rgan. Aktrisalik faoliyati bilan shug‘ullangan Megan shahzoda bilan munosabatda bo‘lish uchun karyerasiga nuqta qo‘ygan. Ammo ayni vaqtda shou-biznesga qaytish niyati yo‘q emas. U Disney bilan hamkorlikda yangi loyihada ishtirok etgan va taomlar tayyorlash haqidagi kitob chiqarishni rejalashtirgan.
Greys Kelli
Foto: Woman’s Day
Zamonasining eng mashhur aktrisalaridan bo‘lgan Greys turmush o‘rtog‘i, Monako knyazi Renye III sabab kinoni tark etgan. Knyaginya bo‘lish ozmuncha vaqt va kuch talab qilmagani sabab u turmush qurganidan keyin rejissorlardan kelgan takliflarni rad eta boshlagan. Greys uch farzandni dunyoga keltirgan.
Jizel Byudxen
Foto: Woman’s Day
Oilasi bilan ko‘proq vaqt o‘tkazishni istagani sabab dunyoning eng ko‘p haq to‘lanadigan modellaridan biri bo‘lgan Jizel karyerasidan voz kechgan. U o‘zini turmush o‘rtog‘i Tom Bredi va ikki nafar farzandi tarbiyasiga bag‘ishlagan.
Alsu
Foto: Woman’s Day
Alsuning turmush o‘rtog‘i Yan Abramovich rafiqasini sahnani tark etishga majburlamagan. Xonandaning o‘zi farzandli bo‘lganidan keyin kam ko‘rinish bera boshlagan. U intervyularidan birida bir vaqtning o‘zida yaxshi ona bo‘lish va xizmat safarlariga borishni eplash qiyinligini ma’lum qilgan. Uning qo‘shimcha qilishicha, u bugungi kunda ijod bilan o‘zi va maroqlanishi uchungina shug‘ullanadi. U taklif qilingan teleko‘rsatuvlarni farzandlari tarbiyasi bilan mashg‘ul bo‘lish uchun qoldirishi mumkinligini aytadi.
Kameron Dias
Foto: Woman’s Day
2015-yilda musiqachi Benji Medden bilan turmush qurgan aktrisa shundan keyin ijod bilan shug‘ullanmay qo‘ygan. Oilasiga o‘zini bag‘ishlagan aktrisa hali-hamon suratga olish maydonchalariga qaytish niyati yo‘q. U nima uchun 40 yoshgacha turmushga chiqmagani sababini erini avvalroq uchratmagani va yigit bilan turmush o‘rtoq o‘rtasida farq katta ekanini ta’kidlaydi. Kameron 2018-yilda ona bo‘lgan va farzandiga vaqt ajratish muhim deb biladi. U hayotining ma’nosini kinoda emas, qizida ko‘radi.
Jessika Alba
Foto: Woman’s Day
Eng chiroyli va mahoratli aktrisalardan biri hisoblangan Jessika Alba turmush o‘rtog‘i va oilasi sabab avvalgidek faol bo‘lmay qolgan. U haligacha kinoda suratga tushishi mumkin, lekin katta loyihalarda ishtirok etishdan bosh tortadi.
Yeva Mendes
Foto: Woman’s Day
Gollivudning eng yetakchi aktrisalaridan biri hisoblangan Yeva ham to‘satdan karyerasiga nuqta qo‘ygan. Uni hatto “Oskar” taqdirlash marosimida ham uchratib bo‘lmaydi. Bunga sabab esa Yeva o‘zini oilasiga bag‘ishlagan. U ijodiy marosim o‘rniga qizlari bilan o‘ynashni afzal ko‘radi.
Jennifer Garner
Foto: Woman’s Day
Jennifer Ben Afflekka turmushga chiqqanidan keyin ijoddan chekingan. U turmush o‘rtog‘i suratga tushayotgan bir vaqtda oilasi va uyi bilan mashg‘ul bo‘lishni afzal bilgan. Uch farzand dunyoga kelganidan keyin u Afflek bilan ajrashgan. Bunga aktyorning xiyonati sabab bo‘lgan.