Қиш кулса, оғзидан тўкилади қор,
Ховридан яхлайди, дарё-ю анхор.
Бахорой кулганда, исийди кунлар,
Оғзидан тўкилар турфа хил гуллар,
Ёз кулса, сояга «беркиниб» гуллар,
Тап-тақир бўлади, иссиқдан чўллар.
Лекигин, мевалар етилиб пишар,
Лаззатли бол мисол бўлиб етишар.
Куз кулса, мўл бўлар — мева, сабзавот,
Мехнат-ла қизийди, далада хаёт.
Хирмонлар юксалар, хосилга «тўйиб»,
Дарахтлар барг тўкар, ўзин бўш қўйиб.
Хар фасл кашф этар, ўзгача сурур,
Фасллар кулгуси — мўъжиза эрур!…
Абдулла Пулатов
Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
«Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
