Jajji qoʼllarini bolakay,
Qoʼyib birdan, kattakon qoʼlga,
Ota kaftin, chim-chilab atay,
Soʼngra uni, tutdi savolga:
-«Katta boʼlar, qachon qoʼllarim?,
Qachon men xam, sizga yetaman?
Tutashadi, qachon yoʼllarim?
Qachon balogʼatga yetaman?».
Ota kuldi, maxzun va oʼychan,
Farzandiga dedi, termulib:
-«Sabr qilsang, albat yetasan,
Qoʼl silkiyman, ortingda qolib!».
-«Yoʼq, otajon, qolmaysiz ortda,
Oʼzgarmaydi qalbdagi mexrim,
Sizni tutib mana shu kaftda,
Eʼzozlagum boricha umrim!…».
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF
