Unda-bunda qorning «qoldigʼi»,
Sal-pal erib, qiladi «yigʼi».
Qordan xalos boʼlgan daraxtlar,
Birin-ketin — qaddini rostlar.
Bolajonlar uyga «qamalmay»,
Tashqarida oʼynashar tinmay.
Qariyalar sudrab xassasin,
«Toʼldirishar» yana supasin.
Qushlar sayrar, navbat talashib,
Kuzgi barglar — yotar qalashib.
Nimagadir entikar yurak,
Bu barchasi — baxordan darak!…
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF
