Shirinlikni tayyorlash juda oddiy bo‘lsa-da, shokolad va tvorog mazasining uyg‘unlashuvi hech kimni befarq qoldirmasligi aniq.
Foto: Lifehacker
— Манба: «Daryo» nashri.
Kerakli mahsulotlar:
Xamir uchun:
- Sariyog‘ − 180 gramm;
- Shakar − 190 gramm;
- Smetana − 2 osh qoshiq;
- Un − 300 gramm;
- Kakao kukuni − 40 gramm;
- Qabartma (razrixlitel) − 1 choy qoshiq;
- Shokolad va tuz.
Nachinka uchun:
- Tvorog − 500 gramm;
- Shakar − 100 gramm;
- Tuxum − 1 dona;
- Vanilin.
Tayyorlanish jarayoni:
- Sariyog‘ eritilib, sovitishga qo‘yiladi. So‘ng shakar, tuz va smetana bilan ko‘pirtiriladi.
- Un, kakao va qabartma alohida idishda aralashtiriladi.
- Unli aralashma oz-ozdan sariyog‘li massa ustidan solinadi. Bir xil quyuq xamir bo‘lgunga qadar aralashtiriladi.
- Xamir 2 soatga muzlatkichga qo‘yiladi.
- Tvorog shakar, tuxum va vanilin bilan aralashtiriladi.
- Agar tvorog quruq bo‘lsa, massani blender yordamida aralashtirish mumkin.
- Xamir teng ikki qismga bo‘linadi. Qolip yuzasiga qandolat qog‘ozi yoyiladi. Xamirning bir bo‘lagi qirg‘ichdan o‘tkaziladi.
- Yuzasidan tvorogli aralashma solinib, xamirning ikkinchi yarmi qirg‘ichdan o‘tkaziladi.
- Taxminan, 30 daqiqa davomida 180 darajada pishirib olinadi. Biroz sovigandan so‘ng ustidan qirg‘ichdan o‘tkazilgan shokoladni sepib, bezak berish mumkin.
Yoqimli ishtaha!
