Набирам бир куни, ташлади савол,
-«Нега арча кўм-кўк, чинор эса йўқ?».
Ўйлантириб қўйди, бу савол хиёл,
Қолдириб бўлмайди, саволни қуруқ.
-«Табиат иши бу!» — бўларди десам,
Жавобда осонроқ — йўлни танладим.
Жавобдан қониқди, у хам қарасам,
Бошқага қандай бу, яна билмадим.
Хуллас болажонга — соддароқ тилда,
-«Арча янги йилда керак» — дедим, рост.
Балким айрим пайтлар, бизлар аслида,
Боланинг тилида — сўзласак дуруст.
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ