ЭР-ХОТИН СУХБАТИ:
«-Истасанг, шу фалакдан,
Ойни олиб, берайин!»
-«Рахмат сизга, юракдан,
Пулдан беринг, хўжайин!»
ОЧ ҚОЛГАН ОТ:
-«Нима қидиряпсан, қорнинг остидан?»
-«Ишига совуққон — чўпон дастидан!».
ҚУШЛАР:
-«Биз хушёр бўлайлик, ўқ овозидан!».
-«Йўқ, хушёр бўлайлик, ўқнинг ўзидан!…»
СУРАТКАШ (ФОТОГРАФ):
-«Қор кўчкиси ахир, юракни ғашлаб…»,
-«Хавотирларимни — келганман ташлаб!»
ЯШИН:
-«Нима бўлган, шохларинг сийрак?»,
-«Яшин тушганидан — бу дарак!».
-«Ачиняпман, мен сенга, аммо!»,
-«Йўқ, холатим — эмас муаммо!,
Менга эмас, яшинга «қийин»,
«Тушиб», сўнгра, қайтмади — кейин!».
БОЙЧЕЧАКЛАР:
-«Сизларни нимангиз қадрли, қизиқ?,
На хид бор — хидласанг ва на бир озиқ!».
-«Бахорни соғиниб, энтикса юрак,
Биз, бахор фаслидан — берамиз дарак!»
КУЗ ВА КЕКСАЛИК;
-«Не сабаб куз, ўхшар кекса инсонга?»,
-«Кексайганда, топасан — жавоб бунга!»
ТУМАНДА:
-«Қалин туман, қийин сизни кўришлик!»,
-«Хавфлидир, биз учун — «кўрмай» қолишлик!…»
ОВ ПАЙТИ:
-«Худди шайлангандай, аёвсиз жангга,
Тикилиб турибсан, яна ўлжангга!.
Ачиниб кетяпман, холига уни…»,
-«Агар бас қилмасанг, унимас — сени…!»
ҚУШ ВА ДАРАХТ МЕВАЛАРИ:
-«Кўрдингми — текин,
Олавер — секин!
Ўзни қўй — эркин,
«Дастурхон» — тўкин.
Хавф бўлса, лекин,
Овчидан — беркин!»
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
