ХАЙВОНОТ БОҒИДА:
-«Тур ўрнингдан, ўн бўлди соат,
Нега ахир, ухлайсан бевақт?»
-«Тушунмайман, онажон сизга?
Шу хайвонот боғи — уй бизга!
Ухласак, вақт — ўтади тезроқ,
Қиёфамиз — бўлар яхшироқ!…»
ЭЧКИНИНГ ОРЗУСИ:
-«Келишибди яна — томоша учун,
Мен ўйлабман менга — келди деб пичан!…»
ҚОТИБ ТУРГАН ОЛМАХОН:
-«Қимир этмай турдинг, шунча, қойилман!»,
-«Мени пойлаганни — мен хам пойлайман!»
ШОШИБ ҚОЛДИ:
-«Шошиб қолдинг, бошингни буриб?»,
-«Хам ўлжамни, хам сени кўриб!…»
САВОЛГА-САВОЛ:
-«Нега бўйинг узун, хой «мирзатерак»!»
-«Айтчи, нега калта бўлиши керак?…»
БЎРИНИНГ ОҒЗИ….
-«Бўри, нега сени — оғзинг доим қон?»
-«Шунча яширсам хам — топади инсон!…»
ВАХИМА:
-«Энг қўрқинчли нарса — сен учун нима?»
-«Қўрқишимни билишлари — вахима!…»
АСАЛСИЗ ҚОЛИБ:
-«Боларижон, не сабабдан бор нишинг?»
-«Нишсиз бўлсам, асалга тегмас тишинг!
Ким кўринган, асалим тортиб олиб,
Сўнг турардим, маъюс — асалсиз қолиб!…»
ЙЎЛ КИМНИКИ:
Бир хайдовчи, «пахса» қилиб қўлини,
Таъкидларди, бермаслигин йўлини,
Бошқалар дер: «Йўлда бўлгин мулойим,
Лекин билгин, ахмоқники — йўл доим!…»
АВТОХАЛОКАТ:
Автохалокатлар бўлганда содир,
Бу холат барчага солар хавотир.
Шундай бўлса хамки, айримлар лекин,
Томоша қилишар, бир четдан секин!…
ДОКА РЎМОЛНИНГ ҚУРИШИ:
Оддий «дока рўмол» — бор қандай нафи?
Эр-хотин учун у — қум соат каби!
Рўмол ювилгандан, қуригунича,
Эр-хотин ярашар, урушиб пича!…
ДОРИ ТУГАБ:
«Хинд фильм»ларини кўрсангиз агар,
Баъзан йиғлайбериб, кўз ёши тугар.
Мехрга зор бўлиб — «хаста» бувилар,
Дорилари шундай — тугаган бўлар!…
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ