Икки зебра қизитишиб сухбатни,
Сўзлардилар сира бермай навбатни:
-«Эшитдингми дўстим, янгилик бугун,
Сувайш каналида, бир кема дегин….
Кўндаланг бўп қолиб, йўлни тўсибди,
Юклар тўхтаб қолиб, зарар ўсибди!».
-«Нималар деяпсан, овсар тасқара,
Сен ўзинг кимсану, турқинга қара?
«Сувайш»нинг биз учун нимаси қизиқ?
Ўйлайлик яхшиси, тўплашни озиқ!».
-«Сен бундай ўйлама, калтабин бўлиб,
Шундай давом этса, кемалар қолиб,
Қўлга ўргатишиб, бўлсада қийин,
Бизда юк ташишар, кемадай кейин!
Икки денгиз аро, юк ташиб кунда,
«Бўзчи мокиси»дай қатнаймиз унда!».
-«Каналдаги мушкул, тезроқ ечилсин,
Ишқилиб, кеманинг — йўли очилсин!…»
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
