Brokkoli, gulkaram va loviya baliq bilan birgalikda ajoyib ta’mni hosil qiladi.
— Manba: «Daryo» nashri.
Foto: Lifehacker
Kerakli mahsulotlar:
- oq baliq filesi — 400-450 gramm;
- muzlatilgan gulkaram — 150-200 gramm;
- muzlatilgan brokkoli — 150-200 gramm;
- muzlatilgan yashil loviya — 100-150 gramm;
- zaytun yog‘i, tuz va ziravorlar.
Tayyorlanish jarayoni:
- File bo‘laklarga bo‘linadi. Ikki tomoniga tuz va ziravorlar sepiladi.
- Baliq multivarkaning yuqori qismiga, bug‘ idishiga solinadi, muzlatilgan sabzavotlar baliq atrofiga yoyilib, ozroq tuz sepiladi.
- Multivarkaning pastki qismiga 600-800 ml sovuq suv quyiladi. “Bug‘da pishirish” rejimi tanlanib, 30 daqiqaga qo‘yiladi.
- Dasturxonga tortishdan avval sabzavotlar ustiga zaytun moyi quyiladi.
Yoqimli ishtaha!
