Lifehacker nashri yana bir mazali hamda oson tayyor bo‘ladigan lavashli rulet retsepti bilan bo‘lishdi.
— Manba: «Daryo» nashri.
Foto: Lifehacker
Kerakli mahsulotlar:
- piyoz — 1 dona;
- sarimsoq — 2 bo‘lak;
- qiyma — 400 gramm;
- tuxum — 2 dona;
- lavash xamiri — 1 dona;
- mayonez — 2 osh qoshiq;
- tuz va ziravorlar.
Tayyorlanish jarayoni:
- Pech oldindan 180 darajaga qizdiriladi.
- Piyoz va sarimsoq mayda to‘g‘raladi yoki qirg‘ichdan o‘tkaziladi.
- Qiyma piyoz, sarimsoq, tuxum, tuz va ziravorlar bilan aralashtiriladi.
- Lavash xamiriga nachinka yupqa qilib yoyiladi va rulet shaklida o‘raladi.
- Ruletlarga mayonez surtiladi va pechda 30-35 daqiqa davomida pishiriladi.
Yoqimli ishtaha!
