Hamisha olma qo‘shib pishiriladigan shirinlikni yangi usulda tayyorlab ko‘rishingizni tavsiya qilamiz. Elle nashri taqdim etgan tvorogli sharlotka retsepti ham oilaning eng sevimli shirinligiga aylanishi shubhasiz.
— Manba: «Daryo» nashri.
Kerakli mahsulotlar:
- tvorog — 200 gramm;
- tuxum — 4 dona;
- shakar — 150 gramm;
- olma — 2 dona;
- un — 200 gramm;
- qabartma — 1 paket;
- smetana — 3 osh qoshiq;
- shakar upasi — 1 osh qoshiq;
- tuz.
Tayyorlanish jarayoni:
- Tuxum va shakar yaxshilab ko‘pirtirib aralashtiriladi.
- Tvorog, smetana va bir chimdim tuz qo‘shib, yana mikser qilinadi.
- Ustidan un va qabartma solinadi. Yana aralashtiriladi.
- Pishiriq qolipi o‘simlik moyi bilan yog‘lanadi, xamir quyiladi.
- Tilim qilib kesilgan olmalar xamir ustidan terib chiqiladi.
- 180 darajada 35-40 daqiqa davomida oldindan qizdirilgan pechda pishirib olinadi.
- Sovigach, ustidan shakar upasi sepiladi.
Yoqimli ishtaha!
