Ko‘zimiz hayotimizdagi eng qadrli ne’matlardan biri. Ammo ko‘pchilik ularning salomatligini e’tiborsiz qoldirib, oddiy kundalik odatlari orqali ko‘rish qobiliyatini asta-sekin yomonlashtiradi. Ushbu maqolada ko‘zingizga zarar yetkazishi mumkin bo‘lgan 5 asosiy odatni aniqlaymiz va ularni qanday bartaraf etish mumkinligini ko‘rib chiqamiz.
— Manba: «Daryo» nashri.
1. Ekran qarshisida uzoq vaqt o‘tkazish
Kompyuterda ishlash, gadjetlardan foydalanish, turli yozishmalar, kechki vaqtda serial ko‘rish — bularning bari bir kunda o‘rtacha 10–12 soat vaqtimizni oladi. Ko‘zning doimiy zo‘riqishi quruq ko‘z sindromiga va charchoqqa olib keladi.
Yechim:
- 20-20-20 qoidasiga rioya qiling: har 20 daqiqada ekrandan ko‘zingizni olib, 6 metr naridagi obyektga 20 soniya qarang;
- Biror devorga xayoliy nuqta chizing, unga diqqat qiling, keyin uzoqqa qarang.
- Ko‘z massaji: ko‘zlaringizni yuming va qovoqlaringizni yengil massaj qiling.
- Ekran yorqinligini xonaning yorug‘ligiga moslang;
- Smartfondagi “Qorong‘i” rejimidan foydalaning (oq fonda qora matn).
2. Makiyaj bilan uxlash
Kosmetika qoldiqlari yog‘ bezlarini yopib qo‘yadi va ko‘zning yallig‘lanishiga sabab bo‘ladi.
Yechim:
- Har doim uyquga yotishdan oldin makiyajni tozalang;
- Maxsus makiyaj tozalovchi vositalardan foydalaning.
3. Yetarli uxlamaslik
Uyqu yetishmasligi ko‘z qizarishi, ko‘rish qobiliyatining pasayishi, tez charchashga olib keladi.
Yechim:
Har kuni 7–8 soat uxlashga harakat qiling.
4. Ko‘zni quyosh nuridan himoya qilmaslik
Ultrabinafsha nurlari, hatto bulutli kunda ham, qorachiq, ko‘z nurlari linzasi va to‘r pardasiga zarar yetkazadi.
Yechim:
- UV filtri bo‘lgan quyoshdan saqlovchi ko‘zoynak taqing.
- Keng shlyapalardan foydalaning.
- UV himoyasi bo‘lgan linzalarni taqqan bo‘lsangiz ham, ko‘zingizni qo‘shimcha ko‘zoynak bilan himoya qiling.
5. Oftalmologga bormaslik
Ba’zi ko‘z kasalliklari belgisiz kechadi, lekin ko‘rish qobiliyatini yomonlashtirib boraveradi.
Yechim:
- Har yili profilaktik ko‘rikdan o‘ting;
- 40 yoshdan keyin muntazam tekshiruvlardan o‘ting.
