Avstraliyalik olimlar plastik chiqindilarni ekologik toza yoqilg‘iga aylantirish imkonini beruvchi texnologiyani ishlab chiqdilar.
Manba: « Hi-Tech_Mail.ru ».
Avstraliyalik olimlar plastik chiqindilarni ekologik toza yoqilg‘iga aylantirish imkonini beruvchi texnologiyani ishlab chiqdilar. Bu haqda Adelaida universiteti xabarida aytilgan, undan RIA Novosti iqtibos keltirmoqda.
Universitetda tushuntirishlaricha, ushbu texnologiya fotokatalitik parchalanish jarayoniga asoslangan bo‘lib, bunda quyosh nuri ta’sirida maxsus materiallar — fotokatalizatorlar — plastikni ancha past haroratlarda parchalaydi.
«Natijada vodorod, shuningdek, sanoatda talabgir bo‘lgan boshqa kimyoviy birikmalar hosil bo‘ladi», — deya ta’kidlaydi olimlar vodorod — foydalanishda nol chiqindiga ega toza yoqilg‘i ekanligini qayd etib.
Tadqiqotchilarning ma’lumotlariga ko‘ra, bunday yondashuv vodorod olishning an’anaviy usullaridan samaraliroq, chunki plastik suvga qaraganda osonroq oksidlanadi.
«Agar biz plastik chiqindilarni quyosh nuri yordamida toza yoqilg‘iga samarali aylantira olsak, bir vaqtning o‘zida ham ifloslanish, ham energetika muammolarini hal qila olamiz», — deya aniqlik kiritdi tadqiqotning yetakchi muallifi Syao Lu.
Bundan avval olimlar plastik chiqindilarni hayotiy muhim dori vositasiga aylantirishni o‘rganishgani haqida xabar berilgan edi. Genetik jihatdan o‘zgartirilgan ichak tayoqchasi (E. coli) yordamida jamoa plastik idishlarning tarkibiy qismlarini bor-yo‘g‘i 24 soat ichida tereftal kislotaga — paratsetamolning faol ingredientiga aylantirishga muvaffaq bo‘ldi.
