Tarvuz — yozning asosiy ramzlaridan biri: shirin, sersharbat, kam каloriyali, tetiklashtiruvchi. Unda likopin antioksidanti, C vitamini, kaliy va kletchatka koʻp. Shunday foydali taom qancha koʻp boʻlsa — shuncha yaxshidek tuyuladi, shunday emasmi?
Manba: «Mail.ru Hi-Tech».
Yangiliklar muallifi
Oʻz-oʻzidan tarvuz — toʻliq sogʻlom va haqiqatan ham foydali mahsulot. Ammo gap bir-ikkita tilim haqida emas, balki «men bir oʻzim 6−8 kilogrammlik oʻrtacha tarvuzni yeb tugatdim» haqida ketganda, organizm bir nechta yoqimsiz kutilmagan hodisalarni taqdim etishi mumkin.
Shakar yuki
Tarvuz bizga «yengil» taomdek tuyuladi, ammo u fruktoza va glyukozani oʻz ichiga oladi. 100 gramm magʻzida taxminan 6−8 gramm shakar bor — bir qarashda kam, lekin butun bir tarvuzga hisoblaganda salmoqli raqam kelib chiqadi. 5 kg tarvuz yeb, siz taxminan 300−400 gramm shakar olasiz — bu taxminan bir litr shirin gazlangan suvnikidek. Sogʻlom odamda bu qondagi glyukozaning keskin oshishiga, soʻngra uning tushib ketishiga olib keladi, bu esa horgʻinlik va ochlik bilan namoyon boʻladi. Diabet yoki prediabeti bor odamlar uchun bunday shakar yuki xavfli boʻlishi mumkin.
Siydik haydash marafoni
Tarvuz 90−92% suvdan iborat. Besh kilogramm tarvuz — bu qisqa vaqt ichida organizmga tushadigan taxminan 4,5 litr suyuqlikdir. Bunga ushbu rezamevada kaliy va tsitrullin aminokislotasi koʻpligi bilan bogʻliq boʻlgan tarvuzning tabiiy siydik haydash effektini ham qoʻshish kerak. Natija aniq: hojatxonaga tez-tez borish va hatto suv-tuz balansining buzilishi, elektrolitlarning, ayniqsa natriyning yuvilib ketishi. Oʻtkir holatlarda bu holsizlik, bosh aylanishi va hatto giponatriyemiyaga — qondagi natriy darajasining xavfli darajada pasayishiga olib kelishi mumkin.
OShT yuklamasi
Kletchatka va suyuqlikning katta hajmi oshqozon hamda ichakka yuklama hosil qiladi. Qorin dam boʻlishi, ogʻirlik, diareya, qorindagi ogʻriqli spazmlar — tarvuzni koʻp yeb qoʻyishning tipik natijalaridir. Kletchatka foydali, ammo ortiqcha boʻlganda u ichak shilliq qavatini ta’sirlantiradi va peristaltikani tezlashtiradi, ayniqsa hazm qilish tizimi ta’sirchan boʻlgan odamlarda.
Kaliyning ortiqchaligi
Tarvuz kaliyga boy, bu aslida foydali. Ammo bir oʻtirishda bir necha kilogramm magʻiz yeyilsa, ushbu mikroelementning ortiqchaligini olish mumkin, bu esa buyrak kasalliklari bor odamlar yoki kaliyni tejovchi preparatlarni qabul qiladiganlar uchun xavflidir.
Sogʻliqqa zarar yetkazmasdan qancha tarvuz yeyish mumkin?
Sogʻlom kattalar uchun tarvuzning xavfsiz va qulay porsiyasi — bir martada 300−500 gramm, kun davomida 1−1,5 kg gacha. Bu ta’mdan bahramand boʻlish va organizmni shakar, suv hamda kletchatka bilan ortiqcha yuklamasdan maksimal foyda olish imkonini beradi. Bolalar, surunkali kasalliklari bor odamlar, ayniqsa diabet yoki buyrak muammolari boʻlganlar kichikroq porsiyalar bilan cheklanishlari va ushbu rezamevaning maqbul miqdori boʻyicha tavsiyalar beradigan shifokor bilan maslahatlashishlari kerak.
Tarvuz — ajoyib mahsulot, ammo u bilan ham, boshqa barcha narsalar kabi, me’yor muhim. Tarvuzni me’yorida va rohatlanib deng!
Avvalroq biz smartfon yordamida tarvuzni qanday tekshirish haqida soʻzlab bergan edik.
