Xitoylik olim transplantatsiyadan so‘ng bemorlarning fe’l-atvori o‘zgarishi borasidagi qarashlarga munosabat bildirdi. U bu masalani chuqurroq o‘rganish zarurligini aytdi.
— Манба: «Daryo» нашри.
Xitoylik professor olim Syaoping Ren yurak ko‘chirib o‘tkazilgandan keyin inson xarakteri o‘zgarishi mumkinligini tan oldi. U bu masala qo‘shimcha ilmiy o‘rganishni talab qilishini aytdi.
Olim “RIA Novosti” agentligining yurak transplantatsiyasidan keyin inson shaxsiyati va fe’l-atvori o‘zgarishi mumkinmi, degan savoliga javob berdi.
“Mening mutaxassisligim kardiojarrohlik emas. Lekin yurak ko‘chirib o‘tkazilgandan so‘ng bemorlarning xarakteri ba’zan o‘zgarib qolishi haqidagi voqealarni eshitganman. Bu, albatta, o‘rganilishi kerak bo‘lgan juda qiziq ilmiy savol”, dedi olim.
Professor, shuningdek, ksenotransplantatsiya, ya’ni hayvon a’zolarini insonga ko‘chirib o‘tkazish ham dolzarb mavzu ekanini qo‘shimcha qildi. Uning ta’kidlashicha, inson organlari va cho‘chqa a’zolari bir-biriga juda o‘xshashdir.
“Hozirda bu masala bo‘yicha ko‘plab tadqiqotlar qilinmoqda. Kelajakda klinik sinovlar o‘tkazilishi ham mumkin. Nazariy jihatdan, cho‘chqadan insonga orqa miyani ko‘chirib o‘tkazish ham mumkin”, dedi u.
Muxbir:
