O‘zingizga yoqqan kolbasa, salat bargi va sabzavotlardan mazali ta’mga ega bo‘lgan shaurmani tayyorlab ko‘rishingiz mumkin. Unga boshqa sabzavotlarni ham qo‘shsangiz bo‘ladi.
— Manba: «Daryo» nashri.
Kerakli masalliqlar:
- kolbasa — 300-350 gr
- o‘simlik yog’i — 1-2 qoshiq
- bodring — 2-3 dona
- salat bargi — 1 bog‘
- yupqa lavash noni — 2 dona
- “morkovcha” — 200 g
- mayonez — ta’bga ko‘ra
Tayyorlanishi:
- Kolbasani mayda bo‘laklarga bo‘lib oling, tovaga yog‘ solib qizdiring va uni qizargunga qadar bir necha daqiqa davomida qovurib oling. Qovurilgan kolbasani qog‘oz sochiqqa qo‘ying.
- Bodringni yupqa qilib to‘g‘rab oling. Salat bargini qo‘lingiz bilan bo‘laklarga bo‘lib oling.
- Lavash xamirini yoying. Ustiga kolbasa, sabzi, salat bargi, bodringning yarmini soling, mayonez qo‘shing va o‘rama hosil qiling. Xuddi shu tarzda ikkinchi shaurmani tayyorlang.
Yoqimli ishtaha!
