Qovoqdan tayyorlanadigan ushbu sho‘rva mazali va foydali. Unga o‘zingiz yoqtirgan ko‘katlarni qo‘shishingiz va qo‘shimcha ravishda boshqa sabzavotlardan ham foydalanishingiz mumkin.
— Manba: «Daryo» nashri.
Kerakli masalliqlar:
- murch — ta’bga ko‘ra
- tuz — ta’bga ko‘ra
- ustki qobig‘i olinmagan qovoq urug‘lari — 50 g
- shakar — 2 qoshiq
- petrushka — 20 g
- qaymoq — 200 ml
- sariyog‘ — 100 g
- sarimsoq — 6 dona
- qizil piyoz — 1 dona
- qovoq — 1 kg
- tovuq sho‘rvasi — 1 litr
Tayyorlanishi:
Qizil piyoz va sarimsoqni mayda to‘g‘rab oling va sariyog‘da chuqurroq idishda qovuring. Birinchi piyoz, so‘ngra u yumshoq bo‘lganda sarimsoqni qovurib oling. Sarimsoq faqat kuchli hid paydo bo‘lguncha qovuriladi. Haddan tashqari pishirilgan sarimsoq achchiq ta’m hosil qilishi mumkin.
Keyinroq, mayda bo‘laklarga bo‘lingan qovoqni idishga solib, piyoz va sarimsoq bilan birga qovurish kerak, hech qaysi mahsulot kuyib ketmasligiga ishonch hosil qiling.
Qovoqni biroz yumshoq bo‘lguncha qovuring. Keyin idishga tovuq sho‘rvasi, murch, tuz, shakar qo‘shing va yana 5-7 daqiqa pishiring.
Tayyor bo‘lgan bo‘tqani blenderda yog‘sizroq qaymoq, petrushka (to‘g‘ralgandan keyin) bilan aralashtiring. Quruq tovada tozalangan qovoq urug‘larini qovurib olib, taomga qo‘shing.
Yoqimli ishtaha!
