Yegulikning pechda pishiriladigan qismiga o‘zingizga yoqqan mahsulotlarni qo‘shishingiz mumkin. Masalan, dudlangan go‘sht yoki turli xil pishloqlardan foydalansangiz bo‘ladi. Ayniqsa, suluguni va motsarella pishlog‘i yegulikni yanada mazali qiladi.
— Manba: «Daryo» nashri.
Kerakli masalliqlar:
- qo‘ziqorin — 400 g
- o‘simlik yog‘i — ta’bga ko‘ra
- tuz — ta’bga ko‘ra
- murch — ta’bga ko‘ra
- 1o foizli qaymoq — 500 ml
- pishloq — 200 g
- lazanya uchun xamir — bir necha bo‘lak
Tayyorlanishi:
- Qo‘ziqorinlarni mayda bo‘laklarga bo‘lib oling. Biroz o‘simlik yog‘ida qovuring va tuz, murch qo‘shing.
- Unga qaymoq qo‘shib qaynating va so‘ngra olovni o‘chiring.
- Pishloqni katta tishli qirg‘ichdan o‘tkazing.
- Yegulik pishiriladigan idishning pastki qismiga biroz qo‘ziqorin sousini quying. Bir qatlamda bir nechta lazanya xamirlarini ustiga terib chiqing.
- Xamirlarning ustidan yana qo‘ziqorinli sous soling. Uning ustiga qirg‘ichdan o‘tkazilgan pishloq soling. Keyingi qatlamlarni ham xamirning ustiga sous solib, so‘ngra ustiga pishloq qo‘yilgan tartibda qiling.
- Qo‘ziqorinli lazanyani 180 daraja haroratda 20 daqiqa davomida pishiring.
Yoqimli ishtaha!
