Yogurtli sufle nozik ta’mni qadrlovchilar uchun eng yaxshi shirinliklardan biri hisoblanadi. Unga o‘zingiz yoqtirgan rezavor mevalarni qo‘shishingiz mumkin.
— Manba: «Daryo» nashri.
Kerakli masalliqlar:
- sariyog‘ — 2 qoshiq
- shakar — 50 g va yana ustiga sepish uchun
- tuxum — 2 dona
- yogurt — 280 g
- un — 3 qoshiq
- tuz — 1 chimdim
- vanilin — yarim qoshiq
- limon kislotasi — 1 chimdim
Tayyorlanishi:
- Pechni 190 daraja haroratda qizdiring va oldindan oltita qolipni sariyog‘ bilan yog‘lab shakar seping.
- Tuxumning sarig‘ini oqidan ajrating. Tuxum sarig‘ini yogurt, un, tuz va vanilin bilan ko‘pirtiring.
- Tuxumning oqini limon kislotasi bilan ko‘pirtiring. Unga shakar qo‘shing va qattiq ko‘pirguncha yana 4-5 marta aralashtiring.
- Sekin-asta tuxumning oqini yogurt aralashmasiga solib aralashtiring. Qoliplarni massa bilan to‘ldiring va sufleni 15 daqiqa davomida pishiring.
Yoqimli ishtaha!
