Lifehacker nashri taqdim etgan navbatdagi retseptga ko‘ra, shokolad, tvorog hamda gilosning o‘zaro uyg‘unlikdagi ta’mi barchaga manzur kelishi shubhasiz.
— Manba: «Daryo» nashri.
Kerakli mahsulotlar:
- muzlatilgan yoki yangi gilos — 400 gramm;
- qora yoki sutli shokolad — 200 gramm;
- sariyog‘ — 120 gramm;
- tuxum — 5 dona;
- shakar — 150 gramm;
- vanil — 1 osh qoshiq;
- tvorog — 300 gramm;
- un — 150 gramm;
- qabartma — 1 choy qoshiq;
- tuz — bir chimdim.
Tayyorlanish jarayoni:
- Agar gilos muzlatilgan bo‘lsa, muzdan eritiladi.
- Shokolad bo‘laklarga bo‘linadi va sariyog‘ bilan bir idishga solinadi.
- So‘ngra bug‘da eritiladi va silliq bo‘lguncha aralashtiriladi.
- 3 ta tuxumni 50 gramm shakar, vanil va tuz bilan mikserda aralashtiriladi.
- Yana bir idishda tvorog, 2 ta tuxum va shakarning qolganini qo‘shib, aralashtiriladi.
- Shokoladli massani birinchi tuxumli aralashmaga qo‘shib, mikser qilinadi. Ustidan elangan un hamda qabartma solinadi va yana mikserda aralashtiriladi.
- Pishiriq varag‘i yog‘lanadi. Ustiga dastlab shokoladli xamirning bir qismi solinadi. Ustidan tvorogli massa solinadi va gilos terib chiqiladi. So‘ngra yana shu holat takrorlanadi.
- Shirinlik 180 daraja pechda 40-50 daqiqa davomida pishiriladi.
Yoqimli ishtaha!
