Organizmning qarishini tezlashtiradigan zararli odatlar

Har bir ayol doimo yosh va tetik qolishni xohlaydi. Ammo qanday odatlar energiyamizni va yaxshi kayfiyatimizni asta-sekin o‘g‘irlab ketayotganini sezmay qolamiz. Gap faqat terini parvarishlash yoki to‘g‘ri ovqatlanishda emas — ba’zan fikrlash tarzimiz va kundalik odatlarimiz ham qarishni tezlashtiradi. Ushbu maqolada yosh ko‘rinishni saqlab qolish uchun voz kechish lozim bo‘lgan zararli odatlar haqida so‘z boradi.

 — Manba: «Daryo» nashri.

Naycha (trubochka)

Plastik naychalar nafaqat tabiatga zarar keltiradi, balki sizning tashqi ko‘rinishingizga ham ta’sir qiladi. Doktor Jozef Kruzning so‘zlariga ko‘ra, trubochkalardan doimiy foydalanish lablar atrofida mimik ajinlarning paydo bo‘lishiga olib keladi. Ulardan voz keching va ichimliklarni (iloj bo‘lsa shakar qo‘shilmagan) to‘g‘ridan-to‘g‘ri stakandan iching.

Noto‘g‘ri tana holati va tana tili

Tizzalab o‘tirish, boshni egib yurish, qo‘llaringizni tirsakda yig‘ish — bularning barchasi sizga darhol qo‘shimcha yosh qo‘shadi. Hatto gapirmasangiz ham, tanangiz siz haqingizda gapiradi. To‘g‘ri turib, erkin va ishonch bilan harakat qilganingizda, sizda energiya borligi bilinadi.

Qorong‘ilikda ekran nuri — uyqu dushmani

Kechasi telefon oldida o‘tirish deyarli hamma uchun odatga aylangan. Ammo ekranlar melatonin — uyqu gormoni ishlab chiqarilishiga to‘sqinlik qiluvchi yorug‘lik tarqatadi. Natijada uyqusizlik, terining so‘nishi, ko‘z osti shishlari, charchoq va hatto vazn ortishi ham kuzatiladi. Yosharmoqchi bo‘lsangiz — uxlashdan bir soat oldin gadjetlarni o‘chirib, tanangizga tiklanish uchun imkon bering.

Harakatlaringiz noqulay bo‘lsa, yuzingizga +10 yosh qo‘shiladi

Sog‘lom ko‘rinish uchun marafon yugurish shart emas. Ammo harakatlaringiz qattiq va sekin bo‘lsa, atrofdagilar sizni kattaroq yoshda deb qabul qiladi. Sekin, qattiq harakatlar “dam olishni xohlardim” degandek taassurot qoldiradi. Oddiy sayrlar, ertalab cho‘zilish va jismoniy faollik yordamida siz yana o‘zingizni sport zalidagi ko‘pchilikdan ortda qolmagan holda ko‘rsata olasiz.

Go‘zallik SPF kremni talab qiladi

Agar siz SPF faqat plyajda kerak, deb o‘ylasangiz adashasiz. Doktor Jeykob Stayger quyosh yosh terining asosiy dushmani ekanini ta’kidlaydi. Hatto bulutli kunda ham ultrabinafsha nurlari zarar hisoblanadi. Shuning uchun har kuni ertalab, makiyaj va boshqa kremlardan oldin, kamida SPF 30 kremini surting. Bu juda yaxshi samara beradi.

Arzon yostiq qoplami

Yuzingiz har kecha taxminan 7-8 soat yostiq ustida bo‘ladi. Agar yostiq qoplami sifatli matodan bo‘lmasa, terida burmalar paydo bo‘ladi, keyinchalik ular ajinlarga aylanadi. Doktor Devid Groyner paxta yostiq qoplamlari burmalar yo‘qotilishiga sabab bo‘lishi mumkin ekanini tushuntiradi. 

Suv muvozanatini saqlash juda muhim

Siz qanchalik ko‘p mineral suv ichsangiz, teringiz shunchalik “minnatdor” bo‘ladi. Mineral suv faqat suyuqlik balansini saqlab qolmay, teri tuzilishini sezilarli yaxshilashi mumkin. Bu esa yuzingizni yanada yorqin va sog‘lom ko‘rinishiga bevosita yordam beradi.

Texno-qiyshayish 

Avvallari bukchayish keksalarga xos deb hisoblanardi. Endi esa bu holat yoshlarda ham ko‘p uchrayapti — sababi telefon va noutbuklar. Doktor Devid Shapiro bu holatni “texno-bo‘yin” deb ataydi. Bosh oldinga egilgan, orqa bukilgan — vaqt o‘tgan sari bu odat jiddiy muammoga aylanadi. Oqibatda bo‘yin og‘rig‘i va hatto artrit paydo bo‘lishi mumkin. Keyin davolashdan ko‘ra, hozirdan holatni to‘g‘rilab yurgan yaxshi.