Olimlarning fikriga ko’ra, Koinot tubidan uzoq kutilgan mazmunli signal tirik mavjudotlar tomonidan emas, balki butunlay boshqa narsa tomonidan yuborilgan bo’lishi mumkin — deb yozadi « Hi-Tech_Mail.ru ». ».
Yangiliklar Muallifi
Sun’iy intellektning paydo bo’lishi olimlarning o’zga sayyoralik sivilizatsiyalar bilan ehtimoliy aloqa haqidagi tasavvurlarida inqilob yasadi, deb aytdi SETI instituti yetakchi tadqiqotchisi Set Shostak yaqinda Fiction Science podkasti uchun bergan intervyusida.
Uning ta’kidlashicha, aynan fikrlovchi mashina nafaqat boshqa sayyoralardan xabarlarni tutib olish, balki koinotga signallar yuborish vazifasini ham o’z zimmasiga olishi mumkin. Olimning ishonch bildirishicha, u bu ishni har qanday tirik mavjudotdan, hatto eng intellektual rivojlanganlaridan ham ancha yaxshi uddalaydi.
Shuning uchun, Shostakning fikriga ko’ra, uzoq dunyodan kelgan mazmunli signal o’zga sayyoralik robotning signali bo’lib chiqishi mumkin. Eng qizig’i esa, uni «eshitish» ham faqat mashina miyasigagina nasib etishi ehtimoli bor: odamlarning ma’lumotlarni qo’lda qayta ishlash imkoniyatlari sun’iy intellekt quvvati bilan solishtirganda juda kichikdir. Shunday qilib, biz kutayotgan o’sha davrshumul Aloqa ikki sun’iy intellektning — yerlik va o’zga sayyoralikning aloqasi bo’lib chiqishi mumkin.
Astronom ta’kidlaganidek, ushbu noodatiy talqin foydasiga sun’iy intellektning hozirning o’zidayoq yaqqol ko’rinib turgan yutuqlari baland ovozda so’zlamoqda. Masalan, sun’iy signallarni aniqlash uchun koinotni «tinglash» bo’yicha mashhur Breakthrough Listen tadqiqot loyihasi doirasida maxsus tezkor radiochaqnashlarni qayd etishga mo’ljallangan neyrotarmoq ishlab chiqildi va o’rgatildi: bular uzoq yulduzlardan keladigan juda qisqa muddatli, ko’pincha takrorlanuvchi (ba’zan muntazam takrorlanuvchi) radiosignallardir.
Ushbu neyrotarmoq olinayotgan signallarni hozirgi usullardan 600 baravar tezroq qayta ishlashga qodir ekanligini ko’rsatdi. Bundan tashqari, tizimning noto’g’ri ishlash holatlari deyarli o’n baravarga qisqardi.
Lekin asosiysi hatto ushbu hayratlanarli tezlik va aniqlikda ham emas: Breakthrough Listen bosh tadqiqotchisi Endryu Simion yanada hayratlanarli taxminni ilgari surdi — sun’iy intellekt biz uchun mutlaqo kutilmagan morfologiyaga ega signallarni tutib olishga qodir. Boshqacha aytganda, biz ularni umuman sezmagan bo’lardik. Masalan, bu impulsli aloqa deb ataladigan, ya’ni yorug’lik yoki radioto’lqinli Morze alifbosiga o’xshash narsa bo’lishi mumkin. Har qanday holatda ham, gap inson e’tiboridan chetda qolishi mumkin bo’lgan ma’lum qonuniyatlar haqida bormoqda.
Set Shostak, o’z navbatida, o’zga sayyoralik aqldan keladigan gipotetik signalning mazmuni, u «tirik» bo’ladimi yoki sun’iy, unga unchalik qiziq emasligini tan oldi. Olim butun insoniyat uchun ushbu aqlining mavjudligi faktining o’zi ancha muhimroq deb hisoblaydi.
Avvalroq astrofiziklar o’zga sayyoralik sivilizatsiyalar bir-birlarining mavjudligi haqida bilishga ulgurmasliklari uchun qancha vaqt yashashlari kerakligini hisoblab hisoblab chiqishgan edi.
