ФЛЕШКА:
Куйиб қолади тез, тез,
Пулим эсиз, эх эсиз!
***
ДИСК:
Диск дерлар мени хамон,
Чизилиб қолсам ёмон.
***
СИЧҚОНЧА:
Мени исмим сичқонча,
Хизматдаман ўлгунча.
Ишлайман бузилгунча,
Симларим узилгунча!
***
ВИНТ (МИЯ):
Компьютер миясиман,
Маълумот уясиман.
Менга вирус туширманг,
Диққатимни оширманг!
***
КЛАВИАТУРА:
Менсиз чала барча иш,
Қолиб кетар қанча иш,
Мени босгин авайлаб,
Ташлаворма, атайлаб!
***
ПАРРАК:
Менинг бурчим совутмоқ,
Қизиб кетса овутмоқ,
Айланаман пириллаб,
Ёлғиз қолсам, чириллаб!
***
МОНИТОР:
Маълумотни кўрсатиб,
Ранг, шаклни ўхшатиб,
Вазифамни уддалаб,
Кўрсатаман битталаб!
***
ПРИНТЕР:
Мижозларни шод этиб,
Файлларни чоп этиб,
Вазифамни ёд этиб,
Офисни обод этиб,
Менга тушганда, кўзинг,
Инсон ўзинг, инсон ўзинг!
***
КОЛОНКАЛАР:
Чарчасанг мен доим, сенинг ёнингда,
Эшитсанг жўш урар ғайрат қонингда!
***
DVD READER:
Диск ўқиш вазифамдир,
Лазер эса кўзимдир.
Дисклар қолса чизилиб,
Мен қоламан эзилиб!
***
ЧИП:
Вазифам бор мени хам,
Флешкадан қайтим кам.
Мен хам маълумот сақлаб,
Ишлайман, ўзим оқлаб!
***
ТАГЛИК (КОВРИК – ГИЛАМЧА):
Сичқонча хамрох менга,
Ўзин ташлаб сиртимга.
Мисли ёввойи қуён,
Сирпанар у ён, бу ён!
***
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
