Ширинликсевар оила аъзоларингиз учун ўз қўлингиз билан «брауни» тайёрланг. «Брауни» – Америкадан кириб келган юмшоқ ва нам пирог бўлиб, шоколадни севувчиларга жуда ҳам ёқиши аниқ — деб бу хақда «Daryo» нашри хабар беради.
Фото: Getty Images
Бунинг учун қуйидаги маҳсулотлар керак бўлади:
- Сариёғ ёки маргарин — 80 гр
- Тухум 2 дона
- Ун — 80 гр
- Шакар — 80 гр
- Какао кукуни — 2 чой қошиқ
- «Разрихлитель» — 1 чой қошиқ
- Туз — бир чимдим
Начинкасига:
- Сут — 400 мл
- Манний ёрмаси — 2 ош қошиқ
- Какос қириндиси — 200 гр
- Сариёғ — 100 гр
- Шакар — 80 гр
- Ванилин — 10 гр
Глазурига:
- Шоколад — 150 гр
- Сут — 40-80 мл
Эслатма! «Брауни» хамирини кўпиртириш керак эмас, уни фақатгина қошиқда аралаштириш талаб қилинади. Айнан ўшанда cиз керакли натижага эришамиз.
Тайёрланиш жараёни:
- Қошиқ ёрдамида сариёғ, шакар, туз, тухумни қўшиб 3-4 дақиқа аралаштиринг.
- Элакланган унга, какао, «разрихлитель» қўшиб аралаштиринг.
- Аралашмани тагида қандолатчилик қоғози қўйилган қолип ичига солинг ва 12—15 дақиқага печга қўйинг.
- Сутни илитинг, манний ёрмаси қўшиб биринчи пуфаклар пайдо бўлгунича қайнатинг.
- Шакар, ваниллин, сариёғ ва какос қириндисини қўшиб аралаштиринг ва печдан олинган асос устига суртинг.
- Сутни илитинг ва шоколад қўшинг. Сут қанча кўп бўлса, глазур шунча юмшоқ бўлади.
- Ширинлик устини глазур билан қопланг.
- Ширинликни хона ҳароратида совутинг кейин бўлса, бир ярим соатга музлаткичга қўйинг.
