Voqea bunday edi,
Bir bola shunday dedi:
-«Eng zoʼr usta oʼzimiz,
Ishoning, chin soʼzimiz.
Dazmol ichin ochamiz,
Buzib qoʼysak, qochamiz!»
-«Bu gaplar xazil, lekin,
Ishni boshlaymiz, sekin!»
Dazmolni tokka ulab,
Ichin ochib, maydalab,
Bexosdan tok ushladi,
Bola «tappa» tashladi.
Koʼpchilik bilan arang,
Oʼziga keldi «garang».
Xammadan koʼzin ochib,
Uzr soʼradi shoshib.
Xavf-xatarli yumushga,
Qoʼldan kelmagan ishga,
Qoʼl urmanglar sira xam,
Elektr qilmas raxm.
Gar boʼlmasa malaka,
Soʼng boʼlasiz kalaka!
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF
