Qoʼshni eshigidan oʼtsam xar kuni,
Bir kuchuk, akillab, choʼchitar meni.
Begona boʼlsam xam, lekin qaranga,
Xech qancha vaqt oʼtmay, oʼrgandi menga.
Balkim u bilgandir, niyatim xolis,
Yoki boshqa sabab. qoʼshnilik bois.
Nima boʼlganda xam, uch-toʼrt kun oʼtib,
Xar gal qaytganimda, turar kuzatib.
«Murosa» — dunyoda qanday ajoyib,
Dunyodagi ishlar — lekin gʼaroyib….
Xattoki baʼzida yaqin kishilar,
Oʼzaro zoʼr-baʼzoʼr murosa qilar.
Oʼtkinchi dunyoni abadiy oʼylab,
Yurarlar bir-birin gʼanimday poylab…
…Qoʼshni eshigidan oʼtsam xar kuni,
Negadir, xech narsa choʼchitmas meni!…
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF
