Gavjum bozor, selday oqar odamlar,
Sabzi, sholgʼom, turp. yongʼoq, bodomlar.
Xammadan xam moʼl juda sholgʼom, turp,
Turp qoʼshib, palovni yeyish — urf.
Bir «olarman» «sotarman»dan soʼradi:
-«Bu turpni narxi qancha turadi?».
«Sotarman» der, kulib: -«Qiziq ekansiz,
Palov bilan — qachon sholgʼom yegansiz!
Sizga sholgʼom, turp ekan — baribir,
Qopimdagi, turpmas — sholgʼom axir!
Kamgap boʼlib, turar «olarman» xayron,
«Sotarman»ning esa tillari biyron:
-«Qancha tortay, oching idishingizni!»,
Odamlar der: -«Qoʼying xazilingizni!».
Soʼng bildilar, xorijdan ekan mexmon,
Oʼzbekchani oʼrgangan ekan — obdon.
Qoyil qoling, xorijdan kelgan inson,
Bozorimiz koʼrgani topsa imkon!…
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF