«Ер хайдасанг куз хайда — куз хайдамасанг, юз хайда»
(Ер хайдасанг, яхшиси кузда,
Йўқса, унда «кирка» бор бизда!)
«Онани кўнгли болада — Болани кўнгли далада».
(Агар олсанг кўнглини,
Қўмсармиди «джунгли»ни.
Қилсанг — яхши назорат,
Одобли бўлар — ғоят!)
«Олим бўлсанг — сеники олам»
(Лекин исминг — хисобмас, болам!)
«Қуш уяда кўрганин қилар»
(Йўқса нелар кўрган, ким билар)
«Соғ танда — соғлом ақл» дедик,
(Носоғ» танда — тағин билмадик!)
«Мехнатнинг «таги» рохат»,
(«Усти» — эса «фароғат»!)
«Ит хам ўз жойини тозалар думда»,
(Нималар деяпсиз, дум йўқ одамда!)
«Тўйга борсанг, тўйиб бор, эски тўнни кийиб бор».
(Тўйнинг эгаси ахир,
Киритмасачи, тақсир!
Емасак ош — бир ошам,
Бу қандайин тўй-хашам?)
«Ота отмай тўнғизни, бола отди қўнғизни».
(Жуда хайрон қолдик биз,
Бўлмасми, отса юлдуз!)
«Қизи борнинг — нози бор!»
(Тўғри, тегмасин ғубор,
Бўлаверманг, лекин тор,
«Ноз»да хам чегара бор!)
Қўйинг семиз бўлса, юришди омад,
Хотин семиз бўлса, ха, бир оз……қомат…!
«Ота-онанг бўлса-бўлсин,
Оғзи-бурни бўлмасин!»
(Қилиб бўлмас, бунга тоқат,
Улар қандай, ейди овқат!)
«Той босар, от босмаса».
(Ё хўдикми бўлмаса…)
«Осмон йироқ — ер қаттиқ»,
(Йўқса қаерда, мантиқ)
«Қудачилик — минг йилчилик».
(Чунки, барча хохлар «тинчлик»!)
«Паловингдан хам — оловинг».
(Агар бўлсада, қаловинг?…)
«Яхши отга бир қамчи,
Ёмон отга минг қамчи».
(Сенга хам! — Э….қўйсангчи!)
«Ховли олма — қўшни ол».
(Ховлини олгин аввал,
Қўшни шундоқ хам «навал»!)
«Ёшлик — бебошлик».
(Бу нотўғри, асли қардошим,
Хом бўлса хам, турибди бошим!)
«Бор товоғим — кел товоғим».
(Нима дединг, хой ошқовоқ,
Бумерангмас, сенга товоқ)
«Бўрини еса хам, емаса хам — оғзи қон»
(Гапларинг жуда тўғри,
Асли сен — ўша бўри!)
«Ишлаган — тишлайди».
(Кўрдингми, қўшни итни,
Ишламай — тишлар этни!)
«Куёв — ёв»
(Ўйлаб, гапиринг гапни,
Сал ишлатиб, одобни.
Ахир куёв сафар,
Хар йили олар хабар).
«Бўлинганни — бўри ер».
(Бўлмаса, бўлинмагин,
Бўрига кўринмагин!)
«Бели оғримаганни — нон ейишини кўр».
(Оғримасада белим,
Ахир бугун нон едим.
Тиқилиб хам қолмадим,
Балким, келиб омадим!)
«Айтилган сўз — отилган ўқ».
(Бу гапингда — маъно йўқ,
Бугун сўзни айтамиз,
Эртасига — қайтамиз!)
«Бошингга қилич келса хам, тўғри сўзла».
(Тирасалар қилич томоққа,
Холинг қолмас, бир сўз демоққа!)
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
