Mexnatkash inson:
Mexnatdan kelsa boylik,
Turmush boʼlar chiroylik.
Yashaymiz toʼkin-sochin,
Аytganlarim bari chin!
Olifta:
Boylik kelsa tekindan,
Kiyim kelsa Pekindan (Xitoydan),
Modaning «itvachchasi»,
Menda boʼlsa barchasi!
Ichuvchi:
Boylik kelsa tekindan,
Farqi yoʼq, qaydan — kimdan,
«Аnavindan» moʼl boʼlsin,
Tomoq doim «xoʼl» boʼlsin!
Oʼgʼri-muttaxam:
Gʼoyibdan kelsa boylik,
Xayot qanday chiroylik!
Baroridan kelsa «ov»,
Bilmasa boʼldi «birov»!
Igʼvogar:
Boylik kelsa tekindan,
Buning manbasi kimdan?
Qingʼir ishni sezaman,
Portalga xam yozaman!
Loqayd kimsa:
Qaydandir kelsa boylik,
Turmush boʼlsa chiroylik,
Rost soʼzlasam, albatta,
Yursam boʼldi, bir chetda!
Din peshvosi:
Tekindan kelsa boylik,
Turmush boʼlmas chiroylik.
Boʼtam, bunday topganing,
oʼz oldingni yopganing!
Xuquq-tartibot xodimi:
Tekindan kelsa boylik,
Xoʼsh nimasi chiroylik!
Shubxalidir bu xolat,
Jinoyatdan dalolat!
Xalq:
Bu gaplar koʼpi quruq,
Inson mexnati ulugʼ.
Mexnat qilgan kam boʼlmas,
Sira boshi xam boʼlmas!
Bexuda ketmay vaqting,
Mexnatda topgin baxting!
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF
