O‘zbekistonda Ramazon oyining boshlanishi 13-aprel etib belgilandi

“Muborak Ramazon oyini munosib tarzda o‘tkazish to‘g‘risida”gi Prezident qarori qabul qilindi.

Qarorga ko‘ra, Ramazon oyi karantin qoidalariga rioya qilgan holda milliy an’ana va qadriyatlarga mos ravishda o‘tkaziladi  — deb bu haqda «Daryo» nashri  xabar beradi.    

Ma’lumot uchun, O‘zbekiston musulmonlari idorasining axborotiga ko‘ra 2021-yil muborak Ramazon oyining boshlanishi 13-aprel kuniga to‘g‘ri kelishi belgilangan.

Avvalroq Ramazon oyida O‘zbekistondagi 1400 ga yaqin masjidda Qur’oni karim xatm qilinishi hamda masjidlarda Ramazon oyi va tarovih namozlariga tayyorgarlik boshlanishi haqida xabar berilgandi.