Lifehacker nashri taqdim etgan barchaning sevimli shirinligi — napoleonning shokoladli versiyasi har qanday vaziyat uchun mukammal tanlovdir.
— Manba: «Daryo» nashri.
Foto: Lifehacker
Kerakli mahsulotlar:
Xamir uchun:
- suv — 170 ml;
- tuxum — 1 dona;
- sirka 9 foizli — 2 choy qoshiq;
- tuz — bir chimdim;
- un — 400 gramm;
- kakao kukuni — 4 osh qoshiq;
- sariyog‘ — 250 gramm;
Krem uchun:
- tuxum — 4 dona;
- shakar — 450 gramm;
- vanil — 2 choy qoshiq;
- un — 2 osh qoshiq;
- kakao kukuni — 2 osh qoshiq;
- sut — 700 ml;
- qora shokolad — 100 gramm;
- sariyog‘ — 400 gramm.
Tayyorlanish jarayoni:
- Suv, tuxum, sirka va tuz yaxshilab ko‘pirtiriladi.
- Un elakdan o‘tkaziladi va kakao bilan aralashtiriladi. Sariyog‘ qirg‘ichdan o‘tkaziladi va un bilan asta-sekin aralashtiriladi.
- Suyuq mahsulotlar un massasiga qo‘shiladi va xamir qoriladi.
- Xamir silliq bo‘lishi shart emas, bir soatga muzlatkichga qo‘yiladi.
- Krem uchun tuxum shakar bilan yaxshilab ko‘pirtiriladi. Un va kakao qo‘shib, yana ko‘pirtiriladi.
- Ilitilgan sut aralashmaga qo‘shiladi va past olovda quyuqlashguncha 5-7 daqiqa davomida qaynatiladi.
- Shokolad mayda to‘g‘raladi, olovdagi krem olinib, shokolad bilan aralashtiriladi. Massaning usti yopilib, salqin joyga qo‘yiladi.
- Pech oldindan 190 darajada qizdiriladi.
- Xamir 7-8 qismga bo‘linadi. Har bir qism dumaloq shaklda yoyilib sanchqi bilan teshiladi.
- Xamirlar 12-15 daqiqa davomida pechda pishirib olinadi.
- Pishgan xamirlar diametri 25-30 santimetr o‘lchamda kesib olinadi va oshgan qismi alohida olinadi.
- Sariyog‘ yaxshilab mikser qilinadi va sovitilgan krem qo‘shiladi, silliq bo‘lguncha aralashtiriladi.
- Sovigan xamirlarning har biriga krem surtiladi va ustma-ust terib chiqiladi. Xamirning oshgan uvoqlari shirinlik ustidan sepiladi va 10-12 soatga muzlatkichga qo‘yiladi.
Yoqimli ishtaha!
