Kokosli tortni tayyorlash uchun sizga besh xil mahsulot kerak bo‘ladi. Shirinlik kremini boshqa mahsulotlardan tayyorlasangiz ham bo‘ladi.
— Manba: «Daryo» nashri.
Kerakli masalliqlar:
- pechenye — 200 g
- 33 foizli qaymoq — 400 ml
- quyultirilgan sut — 120 g
- vanilin — 1 choy qoshiq
- kokos qirindisi — 150 g
Tayyorlanishi:
- Pishiriq qog‘ozi yoki oziq-ovqat plyonkasi bilan diametri 18-20 sm bo‘lgan dumaloq qolipni o‘rab oling. Pechenyelarni mayda bo‘laklarga bo‘ling.
- Sovitilgan qaymoqni mikser yordamida ko‘pirtiring. Quyultirilgan sut, vanilin va 100 g kokos qirindisini qo‘shib, aralashtiring.
- Kremga pechenyelarni qo‘shib, asta-sekinlik bilan aralashtirib oling. Massani qolipga soling va tekislang.
- Tortni muzlatkichga 4-6 soat qo‘ying. Tortni dasturxonga tortishdan oldin yuqori va yon qismiga qolgan kokos qirindisini seping.
Yoqimli ishtaha!
