Qaymoqli sous va qovurilgan go‘shtli sharchalar qo‘shib tayyorlanadigan mazali sho‘rva ishtahani ochuvchi ta’mga ega. Sho‘rvaga o‘zingizga yoqqan ko‘katlarni ham qo‘shishingiz mumkin.
— Manba: «Daryo» nashri.
4 kishilik porsiya uchun kerakli masalliqlar:
- piyoz — 1 dona
- sarimsoq — 1-2 donacha
- mol go‘shti qiymasi — 600 g
- tuz — ta’bga ko‘ra
- murch — ta’bga ko‘ra
- o‘simlik yog‘i — 1 choy qoshiq
- sariyog‘ — 2 osh qoshiq
- un — 2 osh qoshiq
- mol go‘shti qo‘shib tayyorlangan sho‘rva yoki suv — 350-400 ml
- ziravorlar — ta’bga ko‘ra
- qaymoq — 60 ml
- parmezan yoki boshqa turdagi pishloq — 70-100 g
Tayyorlanishi:
- Piyozni blenderdan yoki katta tishli qirg‘ichdan o‘tkazing. Sarimsoqni ham qirg‘ichdan o‘tkazib oling.
- Qiymani piyoz, sarimsoq, tuz va murch bilan aralashtiring. O‘rtacha kattalikdagi sharchalarni hosil qiling.
- Qiymali sharchalarni o‘simlik moyi bilan yog’langan listga soling. Ularni 20 daqiqa davomida 200 daraja haroratda oldindan qizdirilgan pechda pishirib oling. Pishirayotgan vaqtingizda sharchalarni boshqa tomonga aylantirib olishni unutmang.
- Sariyog‘ni o‘rtacha olovda qizdirilgan idishda eritib oling. Elakdan o‘tkazilgan unni qo‘shing va bir daqiqa qovuring.
- Unga sekin-asta iliq sho‘rvani soling va ta’bingizga ko‘ra ziravolarni qo‘shing. Aralashtirib, qaynatib oling va past olovda 2-3 daqiqa davomida pishiring.
- Taomga qaymoq, ozgina tuz, murch va maydalangan parmezan pishlog‘ini qo‘shing. Bir daqiqadan so‘ng olovni o‘chiring.
- Qaylani qiymali sharchalarning ustiga soling va yana 10-15 daqiqa davomida pishirib oling.
Yoqimli ishtaha!
