Mazali qiyma va kartoshka pyuresidan tayyorlanadigan zapekanka nozik ta‘mni xush ko‘ruvchilar uchun eng yaxshi variant hisoblanadi. Unga o‘zingizga yoqqan ko‘katlarni qo‘shsangiz bo‘ladi.
— Manba: «Daryo» nashri.
Kerakli masalliqlar:
- Piyoz — 1 dona
- selderey — 1 bog‘
- o‘simlik yog‘i — 2 osh qoshiq
- qiyma — 700-800 g
- tomat pastasi — 2 osh qoshiq
- go‘shtli sho‘rva yoki suv — 250 ml
- tuz — ta’bga ko‘ra
- murch — ta’bga ko‘ra
- kartoshka — 700-750 g
- qovoq — 600-650 g
- sariyog‘ — 2 osh qoshiq
Tayyorlanishi:
- Piyoz va seldereyni uncha katta bo‘lmagan shaklda to‘g‘rab oling.
- O‘simlik yog‘ini o‘rtacha olovda qizdirib oling. Piyoz va seldereyni yumshaguncha qovuring.
- Qiymani bir necha daqiqa davomida pishirib oling va qoshiq bilan katta bo‘laklarini maydalang.
- Qovurilgan qiymaga tomat pastasini qo‘shib, yana 1-2 daqiqa davomida qovuring. Unga sho‘rva yoki suv, tuz va murch qo‘shing.
- Qaynab chiqqandan keyin yana 20 daqiqa past olovda pishirib oling.
- Kartoshka va qovoqni o‘rta bo‘laklarga bo‘lib oling. Mahsulotlarni tuzli suvda yumshoq bo‘lgunga qadar qaynatib oling. Suvni to‘kib tashlang.
- Sariyog‘ qo‘shing va pyure tayyorlash uchun kartoshkani maydalang.
- Massani qolipga soling. Sabzavotli pyureni qolipga tekis yoying.
- Zapekankani 35-40 daqiqa davomida 180 daraja haroratda oldindan qizdirilgan pechda pishirib oling.
Yoqimli ishtaha!
