Parhez qilmaslik, yaxshi ovqatlanish va bir vaqtning o‘zida vazn yo‘qotish — bu fantaziya emas, balki ortiqcha vaznni kamaytirish bilan birga erishilgan uyg‘unlikni saqlab qolishning yagona mumkin bo‘lgan sog‘lom usulidir. Tezroq ozish uchun kundalik ratsionga organizmdagi yog‘ parchalanishini faollashtiradigan ovqatlarni qo‘shing.
— Manba: «Daryo» nashri.
Sarimsoq va piyoz
Bu xushbo‘y sabzavotlar tarkibida allitsin mavjud bo‘lib, ular nafaqat o‘ziga xos o‘tkir ta’m va hid beradi, balki organizm zaxirasidagi yog‘ning energiyaga tez aylanishini ta’minlaydi. Shu bois ovqat bilan birga barra piyoz va sarimsoq iste’mol qiling. Bu nafaqat sog‘liqqa, balki qomatga ham foydadir.
Apelsin
Sitrus mevalarida, ayniqsa, apelsinda mavjud bo‘lgan C vitamini stress gormoni kortizol darajasini tezda pasaytirishga yordam beradi. Bu qanday qilib vazn yo‘qotishga yordam beradi? Gap shundaki, kortizol organizmda ko‘pincha bel sohasida yog‘ to‘planishini rag‘batlantiradi. Kortizol darajasi qanchalik past bo‘lsa, organizmda yog‘ saqlanishi kamroq bo‘ladi. Apelsindagi efir moyining xushbo‘yligi xursandchilik gormonlarining ko‘payishiga olib keladi.
Dengiz o‘tlari
Dengiz o‘tlarida past kaloriya va qalqonsimon bezning to‘g‘ri ishlashi uchun zarur bo‘lgan mineral — yod ko‘p. Aynan qalqonsimon bez disfunksiyasi ortiqcha vaznning eng keng tarqalgan sabablaridan biri bo‘lib, uni yengish qiyin. Ammo shuni esda tutish kerakki, ba’zi qalqonsimon bez kasalliklarida yodga boy oziq-ovqatlar sog‘liq uchun xavfli bo‘lishi mumkin. Shu sababdan yog‘ eritadigan dengiz o‘tlaridan ko‘p iste’mol qilishdan oldin qalqonsimon bez holatini tekshiring.
Achchiq qalampir
Achchiq qalampir tarkibidagi kapsaitsin metabolizm ishini rag‘batlantiradi, shu yo‘l bilan yog‘larni samarali eritib yuboradi. Qolaversa, achchiq taomlarni iste’mol qiladigan odamlar tezroq to‘yadi va oddiy taomlarni afzal ko‘radiganlarga qaraganda taomni kamroq iste’mol qiladi.
Qahva va qora choy
Kofein metabolizm jarayonini oshiradi. Dam olib qahva yoki choydan simirib ham ko‘proq kaloriyalardan, jumladan, yog‘lardan xalos bo‘lish mumkin. Ammo tavsiya etilgan dozadan oshib ketmaslik muhim. Chunki kofeinning baland dozasi serotonin ishlab chiqarishni kamaytiradi.
Zarchava
Ushbu yorqin sariq ziravorning faol moddalaridan biri — kurkumin qon tomirlarida rivojlanadigan xavfli visseral kasalligini bostirish orqali yog‘ bilan kurashishga yordam beradi. Bundan tashqari, zarchava soch va teri uchun juda foydali. Bu ziravor hatto migrenga qarshi yordam beradi.
Suv
Agar sog‘lig‘ingiz va tashqi ko‘rinishingizga e’tibor berishga jiddiy qaror qilgan bo‘lsangiz, bunga suvsiz erisholmaysiz. Har safar och qolganingizda bir stakan suv ichsangiz, kamroq ovqatlanasiz: oshqozonning bir qismi suv bilan to‘lgani bois ko‘pincha chanqoqni ochlik bilan adashtirib yuboramiz va bu bilan organizmdagi ortiqcha yog‘ning sarflanishiga to‘sqinlik qilib qo‘yamiz.
Zaytun yog‘i
Monoto‘yinmagan yog‘lar har qanday to‘g‘ri ovqatlanishning muhim tarkibiy qismidir. Yog‘ organizm uchun juda zarur. Mabodo u sog‘lom oziq-ovqatlardan olinmasa, organizm uni zararli fastfud va xavfli transyog‘lar bilan to‘la qovurilgan ovqatlardan tortib olishga harakat qiladi. Zaytun moyi sog‘lom yog‘lar ichida chempion bo‘lib, u nafaqat qomatni me’yorda saqlaydi, balki yurak va qon-tomirlarning yaxshi ishlashiga yordam beradi.
