Pishloqli qatlam ostida tovuq go‘shti juda mazali va yumshoq bo‘lib pishadi.
— Manba: «Daryo» nashri.
Foto: Lifehacker
Kerakli mahsulotlar:
- piyoz – 1 dona;
- o‘simlik yog‘i – 2 osh qoshiq;
- tovuq filesi – 400 gramm;
- pomidor – 1-2 dona;
- pishloq – 70 gramm;
- tuxum – 2 dona;
- mayonez – 3-4 osh qoshiq;
- xantal – 2 choy qoshiq;
- tuz va ziravorlar.
Tayyorlanish jarayoni:
- Pech oldindan 200 darajada qizdiriladi.
- Piyoz ingichka parrak qilib to‘g‘raladi. O‘simlik yog‘ida qizargunga qadar qovuriladi.
- Tovuq filesi yupqa bo‘laklarga bo‘linadi. Tuz va ziravorlar sepiladi. Pomidorlar ham parrak shaklda to‘g‘raladi.
- Pishloq qirg‘ichdan o‘tkazilgach, silliq bo‘lguncha tuxum, mayonez va xantal bilan aralashtiriladi.
- File qolipga solinib, ustidan qovurilgan piyoz va pomidor solinadi.
- Ustidan pishloqli aralashma quyiladi va 15-20 daqiqa davomida pishiriladi.
Yoqimli ishtaha!
