Oddiy va tez tayyorlanadigan salat mazali ta’m va foydali xususiyatlarga ega. Unga o‘zingiz yoqtirgan ko‘katlarni ham qo‘shishingiz mumkin.
— Manba: «Daryo» nashri.
Kerakli masalliqlar:
- baqlajon — 1 dona
- zaytun moyi — 3 qoshiq
- go‘sht bo‘laklari — 200 g
- bulg‘or qalampiri — 2 dona
- cherri pomidori — 10 dona
- salat bargi — 1 bog‘
- tuz — ta’bga ko‘ra
- murch — ta’bga ko‘ra
Tayyorlanishi:
- Baqlajonni bo‘laklarga bo‘ling.
- Yog‘ni o‘rtacha olovda qizdiring. Baqlajonning ikkala tomoni ham qizarguncha qovuring.
- Qovurilgan baqlajonlarni qog‘oz sochiqlarga soling va qolgan qismini ham pishirib oling.
- Go‘shtni yupqa bo‘laklarga va bulg‘or qalampirini mayda qilib kesib oling. Cherri pomidorlarini ikkiga bo‘ling.
- Salat bargi, go‘sht, baqlajon va bulg‘or qalampirini idishga soling. Unga tuz, murch va zaytun moyini qo‘shib aralashtiring.
Yoqimli ishtaha!
