Iftorlikka yurakcha shaklidagi sariyog‘li pechenye tayyorlaymiz

Iftorlik hamda saharlik dasturxoni uchun ayni muddao bo‘lgan to‘yimli shirinlik.

 — Manba: «Daryo» nashri.

Kerakli mahsulotlar:

• un — 2 stakan;
• sariyog‘ — 150 gramm;
• tuxum — 1 dona;
• shakar — 120 gramm;
• ichimlik sodasi, tuz— 1 chimdim.

Tayyorlanish jarayoni:

1. Sariyog‘ sanchqi yordamida yaxshilab ezib olinadi.
2. Tuxum shakar bilan aralashtiriladi. Aralashmaga sariyog‘ qo‘shiladi.
3. Olingan massaga un elakdan o‘tkaziladi.
4. Yumshoq xamir qorib, 20 daqiqaga muzlatkichga qo‘yiladi.
5. So‘ngra taxminan 5 millimetr qalinlikda yoyiladi.
6. Pechenye uchun mo‘ljallangan yurakcha shaklida xamir kesib olinadi.
7. Pishirish varag‘iga qo‘yib, 180 daraja pechda 15-20 daqiqa davomida pishiriladi.

Yoqimli ishtaha!