Мехнаткаш инсон:
Мехнатдан келса бойлик,
Турмуш бўлар чиройлик.
Яшаймиз тўкин-сочин,
Айтганларим бари чин!
Олифта:
Бойлик келса текиндан,
Кийим келса Пекиндан (Хитойдан),
Моданинг «итваччаси»,
Менда бўлса барчаси!
Ичувчи:
Бойлик келса текиндан,
Фарқи йўқ, қайдан — кимдан,
«Анавиндан» мўл бўлсин,
Томоқ доим «хўл» бўлсин!
Ўғри-муттахам:
Ғойибдан келса бойлик,
Хаёт қандай чиройлик!
Бароридан келса «ов»,
Билмаса бўлди «биров»!
Иғвогар:
Бойлик келса текиндан,
Бунинг манбаси кимдан?
Қинғир ишни сезаман,
Порталга хам ёзаман!
Лоқайд кимса:
Қайдандир келса бойлик,
Турмуш бўлса чиройлик,
Рост сўзласам, албатта,
Юрсам бўлди, бир четда!
Дин пешвоси:
Текиндан келса бойлик,
Турмуш бўлмас чиройлик.
Бўтам, бундай топганинг,
ўз олдингни ёпганинг!
Хуқуқ-тартибот ходими:
Текиндан келса бойлик,
Хўш нимаси чиройлик!
Шубхалидир бу холат,
Жиноятдан далолат!
Халқ:
Бу гаплар кўпи қуруқ,
Инсон мехнати улуғ.
Мехнат қилган кам бўлмас,
Сира боши хам бўлмас!
Бехуда кетмай вақтинг,
Мехнатда топгин бахтинг!
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
