Ushbu pirogni turli ta’mdagi murabbo bilan tayyorlash mumkin. Shirinlikning mazasi shunga ko‘ra o‘zgaradi.
— Manba: «Daryo» nashri.
Foto: Lifehacker
Kerakli mahsulotlar:
- sariyog‘ – 200 gramm;
- shakar – 120 gramm;
- tuxum – 2 dona;
- un – 450 gramm;
- qabartma – 1 choy qoshiq;
- murabbo – 250 gramm;
- tuz – bir chimdim.
Tayyorlanish jarayoni:
- Yumshatilgan sariyog‘, tuz, shakar va tuxum yaxshilab aralashtiriladi.
- Elakdan o‘tkazilgan un qabartma bilan aralashtiriladi. Tuxumli massaga oz-ozdan solinib, yopishqoq bo‘lmagan xamir qoriladi.
- Xamirning taxminan 1/3 qismi ajratib olindi, plyonkaga o‘ralib, 20-25 daqiqaga muzlatkichga qo‘yiladi.
- Qolip yog‘lanib, xamirning qolgan qismi yoyiladi.
- Xamir yuzasiga bir tekisda murabbo solinadi. Muzlatilgan xamir qirg‘ichdan o‘tkaziladi va murabbo ustidan sepiladi.
- Taxminan 20-25 daqiqa davomida 180 daraja pechda pishiriladi.
Yoqimli ishtaha!
