Limon ta’mi bilan boyitilgan tortdan tatib ko‘rishni tavsiya etamiz.
— Manba: «Daryo» nashri.
Foto: Lifehacker
Kerakli mahsulotlar:
Xamir uchun:
- un – 500 gramm;
- shakar upasi – 140 gramm;
- sariyog‘ – 250 gramm;
- tuxum sarig‘i – 4 dona;
- tuz.
Nachinka uchun:
- limon – 2-3 dona;
- shakar – 140 gramm;
- tuxum – 5 dona;
- qaymoq – 150 ml.
Tayyorlanish jarayoni:
- Un elakdan o‘tkaziladi, shakar va tuz bilan aralashtiriladi. Sariyog‘ un bilan uvalanadi.
- Ustidan tuxum sarig‘i qo‘shilib, yumshoq xamir qoriladi va 30 daqiqaga muzlatkichga qo‘yiladi.
- Limonni qobig‘i qirg‘ichdan o‘tkaziladi, sharbati siqib olinadi.
- Limon sharbati, shakar, tuxum va qaymoq yaxshilab ko‘pirtiriladi. Aralashma elakdan o‘tkaziladi.
- Xamir 2-3 millimetr qalinlikda dumaloq shaklda yoyiladi. Qolipga solinib, chet qismlari kesib chiqiladi.
- Xamir sanchqi yordamida bir necha joyidan teshilib, 30 daqiqaga muzlatkichga qo‘yiladi.
- Pech 160 darajaga qizdiriladi. Xamir ustiga folga qog‘oz qo‘yilib, yuzasiga quruq guruch yoki loviya qo‘yiladi.
- 10 daqiqadan keyin folga olib tashlanadi va jigarrang bo‘lgunga qadar 20 daqiqaga qo‘yiladi.
- Pechdan olingan tart yuzasiga nachinka quyiladi va nachinka quyuqlashguncha 30-40 daqiqaga yana pechga qo‘yiladi.
- Dasturxonga tortishdan avval to‘liq sovitiladi.
Yoqimli ishtaha!
