Qo‘y go‘shti, guruch, yogurt va tuxum aralashmasiga qo‘shilgan sarimsoq har qanday kishining ishtahasini ochib yuborishi, shubhasiz.
— Manba: «Daryo» nashri.
Foto: Lifehacker
Kerakli mahsulotlar:
- qo‘y go‘shti – 600 gramm;
- o‘simlik yog‘i – 2 osh qoshiq;
- sariyog‘ – 70 gramm;
- sarimsoq piyoz – 2 bo‘lak;
- suv – 450 ml;
- guruch – 70 gramm;
- un – 2 osh qoshiq;
- tuxum – 6 dona;
- tabiiy yogurt – 750 gramm;
- tuz va ziravorlar.
Tayyorlanish jarayoni:
- O‘simlik yog‘i tovada qizdirilib, bo‘laklangan qo‘y go‘shti 5 daqiqa davomida qovurib olinadi.
- Suvga tuz va ziravorlar, to‘g‘ralgan sarimsoq qo‘shiladi. 40-45 daqiqa davomida qaynatib olinadi.
- Go‘shtning ustidan guruch qo‘shiladi, suv quyilib, 8-10 daqiqa davomida qaynatiladi.
- Sariyog‘ tovada eritiladi. Un sariyog‘da 2 daqiqa davomida qovuriladi.
- Tuxum, yogurt, tuz va ziravorlar ko‘pirtiriladi. Ustidan unli aralashma qo‘shiladi.
- So‘ngra tayyor bo‘lgan massalar guruchli aralashmaga solinadi. Pechda 180 darajada, taxminan, 35 daqiqa davomida pishiriladi.
- Ta’bga ko‘ra ko‘katlar bilan bezatilib, dasturxonga tortiladi.
Yoqimli ishtaha!
