Quyultirilgan sut bilan tayyorlangan bananli krem sevimli shirinlikni yanada mazali qiladi.
— Manba: «Daryo» nashri.
Foto: Lifehacker
Kerakli mahsulotlar:
- tuxum – 2 dona;
- shakar – 220 gramm;
- sariyog‘ – 350 gramm;
- asal – 2 osh qoshiq;
- iste’mol sodasi – 1 choy qoshiq;
- un – 400 gramm;
- banan – 3 dona;
- quyultirilgan sut – 400 gramm;
- tuz – bir chimdim.
Tayyorlanish jarayoni:
- Pech 170 darajaga oldindan qizdiriladi.
- Tuxum, shakar va tuz mikser bilan yaxshilab ko‘pirtiriladi.
- Ustidan 100 gramm yumshatilgan sariyog‘ va asal qo‘shib, aralashtiriladi.
- Tuxum massasi idishi bilan qaynayotgan suv ustiga qo‘yiladi. Massa bir holatga kelguncha, aralashtirib turiladi.
- Iste’mol sodasi qo‘shiladi, ustidan un qo‘shilgach issiq suv ustidan olinadi.
- Yumshoq va silliq xamir qoriladi va xona haroratida sovutiladi. Plyonka bilan o‘rab, 30-40 daqiqa davomida muzlatkichga qo‘yiladi.
- Xamir 8-10 bo‘lakka bo‘linadi. Har bir bo‘lak 1-2 millimеtr qalinlikda yoyiladi va xamir qatlamlari sanchqi bilan teshib chiqiladi.
- Qat-qat xamir oldindan qizidirilgan pechda 5-7 daqiqa davomida pishiriladi.
- Tayyor bo‘lgan xamirlar bir xil dumaloq shaklda kesib olinadi. Ortib qolgan qismlar maydalanadi.
- Bananlar blenderda pyure qilib olinadi. So‘ngra sariyog‘ mikser qilinadi.
- Sariyog‘ga banan va quyultirilgan sut qo‘shiladi va yaxshilab aralashtiriladi.
- Krem muzlatkichga 20-30 daqiqaga qo‘yiladi.
- Har bir xamir yuzasiga krem surtiladi. Shirinlikning yuqori va yon tomoni krem bilan yopiladi. Maydalangan xamir qoldiqlari sepildi va muzlatkichga 5-6 soatga qo‘yiladi.
Yoqimli ishtaha!
