Kompot yoki kisel: kimdir ularni bolaligidan yaxshi ko‘radi va kimdir faqat balog‘at yoshidagina tatib ko‘rgan. Quyida bolalikdagi lazzatli ichimliklar retsepti bilan tanishing.
— Manba: «Daryo» nashri.
Olxo‘rili kompot
Foto: “Noviy ochag”
- olxo‘ri — 700 g
- suv — 2,6 l
- shakar — 280 g
- limon kislotasi — 7 g
- Sterillangan bankalarni yarmini yoki uchdan bir qismini olxo‘ri bilan to‘ldiring. Kichik olxo‘rilarni tish kovlagich bilan teshib butunligicha soling, katta olxo‘rini yarmiga bo‘ling va urug‘larni olib tashlang.
- Siropni qaynatib oling, olxo‘ri to‘ldirilgan bankalarga quying, 3 daqiqaga qoldiring. Keyin bankadagi suvni kastrlyulkaga to‘kib, qaynatib oling. Yana olxo‘ri ustiga bankaning yuqori qismigacha quying.
- Bankalarni yaxshilab yopib, to‘ntarib qo‘ying, adyol bilan o‘rang va sovushini kuting. Sovutilgan bankalarni ag‘darib, taxlang.
Rovochli kisel
Foto: “Noviy ochag”
- rovoch — 5 dona
- qulupnay — 300 g
- kartoshka kraxmali — 3 osh qoshiq
- shakar
- 3 litrli idishda suvni qaynatib, shakar, to‘g‘ralgan qulupnay va rovoch qo‘shing.
- Kraxmalni sovuq suvda suyultiring, qaynoq kompotga quying va aralashtiring.
- Rovochli kiselni sovutib, idishga quying
Olcha kisel
Foto: “Noviy ochag”
- danaksiz olcha — 300 g
- shakar — 3 osh qoshiq
- kraxmal -3 osh qoshiq
- suv — 700 ml
- Gilos va shakarni bir idishga solib, 600 ml suv quying va qaynatib oling. Taxminan 2 daqiqa qaynating.
- Qolgan 100 ml suvda kraxmalni eritib, olchaga qo‘shing. Aralashtiring va yana qaynating, gazdan olib, kerakli haroratga sovutib oling.
- Agar sovutgandan so‘ng, kisel quyuq bo‘lmasa, yana 1 choy qoshiq kraxmal qo‘shish mumkin.
Olchali kompot
Foto: “Noviy ochag”
- yangi yoki muzlatilgan olcha — 1 kg
- rovoch (poyalari) -350 g
- limon — ½ dona.
- suv -3 l
- shakar — 1 stakan
- asal
- Katta idishda 3 litr suv qaynatib oling.
- Suv qaynayotganda, olchani yuvib, tayyorlab oling. Rovochni yuvib, tozalab, mayda bo‘laklarga bo‘ling.
- Qaynayotgan suvga shakar va asal qo‘shing, olcha va tug‘ralgan rovoch qo‘shing, qaynaguncha kutib turing va olovni o‘chiring.
- Kompotni sovutib, idishga quying. Muz bilan dasturxonga torting.
Krijovnikli kompot
Foto: “Noviy ochag”
- krijovnik — 500 g
- shakar — 150 g
- suv — 1 l
- yalpiz — 5 ta yaproq
- Dastlab krijovnikni yuvish va haddan tashqari pishgan rezavorlarni olib tashlash kerak, qolganlari esa qizdirilganda yorilib ketmasligi uchun igna bilan teshib chiqiladi.
- Kastryukga shakar va yalpiz solib, suv quying. Qaynagach tayyor krijovniklarni soling.
- Qaynab chiqqach, kompotni past olovda 2 daqiqa davomida pishiring, so‘ngra gazdan olib, soviting.
